Hinahanap-hanap ko.

Nais kong muling lasapin ang iyong mga labi.
Higupin ang lahat mong katas.

Gusto kitang angkinin muli.
Gaya ng kahayukan ko ng angkinin mo ang aking mundo.

At hindi-hindi kita titigilan hangga’t hindi ko nasisimot
lahat ng kaya mong ihandog sa natigang kong laman

Muli, tatakbo tayo sa sarili nating paraiso.
At lilimutin ang buong paligid tulad ng paglimot natin noon.
O di kaya'y masmatindi pa—masmalalim, masmatagal…

Subalit,
Limot na ng panahon ang mga nangyari
Ang matandaan iyon ay diko na mawari.

Hindi ko na lubos na maalala
ang pagniniig ng ating espiritu’t katawan.
ang paglalapat ng ating mga labi
ang pang-aangkin mo sa akin
ang pang-aangkin ko sa iyo
ang ating pag-iisa

Kaya sana ay ulitin natin
Ipalasap mo ulit sa akin ang nag-aalab mong kaluluwa
Ipaalala mo ang lahat ng paglimot na ating ginawa
Paikutin mo ako muli sa iyo

Nananabik akong tikman ka muli sa ating paghaharap.
Alam kong malapit na iyon.
Malapit na....

Red Horse mizz na kita!

WOW....